XX. mendeko Euskararen Corpus estatistikoa

Testuingurua

Neure lantokitik NOR DA EUSKALZALEA?

Nor da euskalzalea? Ene ustez, puntu hauk* guztiok betetzen dituena: 1. Euskal zazpi probintzien arteko loturak indartzen saiatzen dena.

2. Zazpi probintzien euskal nortasuna sendotzeko ahalegina egiten duena.

3. Euskara ikasten eta zabaltzen ari dena.

4. Behinolá euskaldun izandako lurraldeekin loturak hersteñ diharduena.

Dela katoliko edo dela ateo, edozein ideia sozio-politiko duela, lau puntu hauk edo bedereñ lehen hirurak betetzen baditu, enetzat euskalzalea da; eta harekin bat eginik lan egingo dut, euskalzaletasuna aurrera eramateko.

JORNALAK

Andre bat ezagutzen dut, fabrika batean lan egiten duena.

Haren zeregina: bulegoak* komunak eta abar garbitzea.

Lan orduak: goizeko zazpiretarik eguerdiko ordu biak arte.

Ba dakizue zenbat irabazten duen hilabetero, azken konbenioko gorapena ere kontuan harturik? Sei mila pezeta.

Nola bizi daiteke familia bat horrelako jornalarekin?.

Zenbat daude gure artean kasu horretan?.

ETIKETAK

Modan daude eskumikuak* eta arinki eransten diren etiketak.

Eskuin muturrekoek edozeri eta edozeini deitzen diote marxista, eta ezkerrekoek edozeri eta edozeini burges.

ETXEKO BERRI TRISTEAK

Mungian, urtarrilareñ 30ean, Josu Torreren ama hil da.

Torre jauna ANAITASUNAko kontseilukoa da eta hango bulegoaren arduraduna.

Egun berean, Markinan, gartzelara eroañ dute Benito Ansola apaiza.

Ansola jaunak zine kritikak idazten ditu ANAITASUNAn.

IKASTOLAK ETA EUSKARA

Gehiago edo gutiago, euskara erabiltzen da ikastoletan; eta hori gauza pozgarria da.

Baina: 1. Ba ote dago ikastoletan programaziorik, kurso bakoitzean ikasleei dagokien eran eta neurrian euskara irakasteko eta erabiltzeko?.

2. Maisu-maistrentzako kursilloetan, jakin erazten zaie haiei euskara lantzen, eta gure hizkuntza nola irakatsi behar duten?.

3. Hitz batez, ematen zaio euskarari ikastoletan, behar duen garrantzia?.

Arriskugarria da, amateurismoz lan egitea.

Txekoen eta Israeldarren exenpluari jarraitu behar genioke hizkuntza arloan, eta ez Irlandarrenari.

Xabier Gereño.